Inuit isertitaat

Inuit ataasiakkaat isertitaasa takutippaat qaffasinnerpaanik isertitallit tassaasut:

 

Taamaaqataanik misissueqqissaarnerup takutippaa inuit akissarsiakinnerpaasut tassaasut:

 

Isertitat nunami agguarnerat

Agguaqatigiissitsinermi isertitat qaffasinnerpaat immikkoortortaqarfimmi Ivittuunippoq, immikkoortortaqarfimmi Ivittuuni inuit aggulussimanerat suliffeqarnikkullu tunngasut nunap sinneranut naleqqiullutik allaanerujussuupput.

Nunap sinnerani isertitat annertussusiat immikkoortortaqarfinni inuttunerusuni qaffasinneruvoq, immikkoortortaqarfinni inuttakinnerusuni annikinnerusoq.

 

Titartagaq 1

2008-mi inuit ataasiakkaat isertitaat tamarmiusut immikkoortortaqarfinnut immikkoortiterlugit

http://bank.stat.gl/indp2

Najoqqutaq: Naatsorsueqqissaartarfik

 

Titartagaq 2

2008-mi inuit ataasiakkaat isertitaasa tamarmiusut ineriartornerat immikkoortortaqarfinnut immikkoortiterlugit

Najoqqutaq: Naatsorsueqqissaartarfik

 

Titartagaq 3

2008-mi inuit ataasiakkaat isertitaat tamarmiusut najugaqarfinnut immikkoortiterlugit

http://bank.stat.gl/indp1

Malugiuk: Narsarsuarmut Kangerlussuarmullu naatsorsuutit tamakkiisumik naatsorsuutini ilaapput.

Najoqqutaq: Naatsorsueqqissaartarfik

 

Kommunerujussuit nutaat sisamat akornanni annertuumik assigiinngillat. Isertitat qaffasinnerpaat Kommuneqarfik Sermersuumiipput, appasinnerpaallu Qaasuitsuip Kommunianiillutik. Kommunerujussuit akornanni assigiinnginneq siullermik illoqarfinni agguaqatigiissillugu isertitat assigiinnginneraniippoq, nunaqarfimmiulli agguaqatigiissillugu isertitaat taamatut annertutigisumik nunami allaanerunatik.

 

Isertitat inuit aggorsimanerannut agguarnerat

Innuttaasut isertitaat ukioqqortussutsinut tallimanut agguarnerisigut ukioqqortussutsit assigiinngitsut akornanni isertitat qaffasiffiisigut annertuumik nikingasoqarpoq. Ukiutigut agguarnernut taakkununnga agguaqatigiissillugu isertitat pingaarnertigut ukioqqortussutsinut pingaarnernut pingasunut agguarneqarsinnaapput.

 

Titartagaq 4

2008-mi inuit ataasiakkaat isertitaat tamarmiusut agguaqatigiissillugit ukiunut immikkoortiterlugit

Najoqqutaq: Naatsorsueqqissaartarfik

 

30-niit 64-nut ukiullit agguaqatigiissillugu qaffasinnerpaanik isertitaqartuupput. Taamatut ukiullit inuussutissarsiorsinnaanerat qaffasinnersaavoq.

15-nik 29-nut ukiullit utoqqaliartornerat malillugu agguaqatigiissillugu isertitat qaffakkiartorput. Tassunga pissutaasut ilagaat ilinniartut inuusunnersat akornanni amerlanersaanerat inuussutissarsiorsinnaanerallu taamaattumik appasillluni.

Inuit 65-it sinnerlugit ukiullit appasingaatsiartunik assigiiaartunillu isertitaqarput. Tassunga pissutaavoq inuit taakku ilarpassuinut utoqqalinersiutit isertitatuaanerat.

 

Titartagaq 5

2008-mi inuit ataasiakkaat isertitaat tamarmiusut agguaqatigiissillugit ukiunut najugaqarfiinullu immikkoortillugit

http://bank.stat.gl/indp1

Najoqqutaq: Naatsorsueqqissaartarfik

 

Ukiorisat tunngavigalugit pissuteqartumik isertitatigut assigiinngissuteqarnerujussuaq pingaartumik illoqarfinni atuuppoq, nunaqarfinnili isertitat ukiorisanik tunngaveqannginnerullutik. Ukioqatigiikuutaat sulisinnaasut akornini illoqarfinni nunaqarfinnilu isertitatigut assigiinngissuteqarnerujussuit erseqqipput, ukioqatigiiaanilu utoqqaanerusuni inuusunnerusunilu isertitat assigiiaarnerullutik.

 

Titartagaq 6

2008-mi inuit ataasiakkaat isertitat tamarmiusut agguaqatigiissillugit ukiuinut suiaassusaanullu immikkoortiterlugit

http://bank.stat.gl/indp1

Najoqqutaq: Naatsorsueqqissaartarfik

 

2008-mi angutit iseritaat agguaqatigiissillugu 222.000 kr.-usoq Tabel 1-mi takuneqarsinnaavoq arnat agguaqatigiissillugu isertitaat 161.000 kr.-usoq. Angutit agguaqatigiissillugu isertitaat 40 pct.-ingajammik arnat agguaqatigiissillugu isertitaannit annertuneruvoq.

Taamatuttaaq suiaassuseq tunngavigalugu isertitanik sanilliussinermi Tabel 1-mi ersersinneqarpoq kommunini, nunaqarfimmi aamma illoqarfinni inunngorsimanerit apeqqutaanngitsut tassa angutit taakkunani aamma isertitaqarnerummata. Immikkoortortaqarfinni inuillu ukiuinut immikkoortiterinermi aamma takuneqarsinnaavoq angutit isertitaasa annertunerunerat arnat isertitaannut naleqqiullugu.